11:09 Год гасціннасці: ЗАВІТАЙЦЕ НА СЯДЗІБУ Ў ГОСЦІ! | |
Згодна з рэспубліканскім планам мерапрыемстваў па правядзенні ў 2014 годзе Года гасціннасці, які зацверджаны пастановай Савета Міністраў 24 студзеня г.г. № 62, Мінспорт сумесна з БГА "Адпачынак у вёсцы" з 24 по 31 мая праводзіць рэспубліканскую акцыю "Дзень адкрытых дзвярэй у беларускіх сядзібах". У гэтыя дні турысты, турыстычныя арганізацыі, сродкі масавай інфармацыі могуць наведаць сядзібы і пазнаёміцца з магчымасцямі адпачынку ў вёсцы. Мяркуецца, што акцыя напярэдадні летняга турыстычнага сезону прыцягне вялікую ўвагу да сельскага турызму і забяспечыць значны рост колькасці адпачывальнікаў. У нашым раёне ўдзел у рэспубліканскай акцыі бярэ сядзіба “Ранчо-Радэо”, якая месціцца ў в. Лешчанка. Яна чакае сваіх наведвальнікаў 26 мая. Гасцінныя гаспадары Сяргей Вячаслававіч і Вольга Леанардаўна Хлябовічы правядуць экскурсію па сядзібе і прадаставяць магчымасць пакатацца на конях. Тэлефоны для сувязі: +375296422868, або +375296154719. Калі ж вас цікавіць больш падрабязная інфармацыя аб рэспубліканскай акцыі, то тэлефануйце непасрэдна ў БГА "Адпачынак у вёсцы" па тел. 8017 205 04 65. КАЦЯРЫНА БЕСАРАБ, “Новае Жыццё”. | |
|